SALAM Shahani

جيجل ڪير : ڇا سنڌ ڌرتي واقعي اسان جي ماء آھي ؟ حضرت پير ابراهيم جان سرهندي فاروقي عليه الرحمه جي مايه ناز ڪتاب سنڌ سونهاري مان سلسله وار جواب . ( جيجل ڪير ) حديث پاڪ ۾ اجي ٿو ڪو ماڻھو چاليھ ڏينهن مدينه طيبه ۾ رهيو ته اهو مدني آهي قرآن پاڪ ۽ حديث جو هر حڪم قانون فطرت آھي جنهن ۾ تبديلي نا ممڪن آھي ڪنهن ملڪ ۾ گهڻون وقت رهڻ سبب بتدريج اڳوڻون رت ۽ گوشت وقت جي گزرڻ سان تحليل ٿيندو رهي ٿو ۽ انهيء ملڪ جي ماني پاڻي ۽ ٻين غذائن مان تيار ٿيل رت ۽ گوشت بطور بدل مايتحلل جي انهيء جي جاء وٺي ٿو جڏھن اينهين آھي ته پوء لامحاله گهڻون وقت رهيل اهو ماڻھو گوياڪ انهيء ملڪ جي غذائن جو حاصل ۽ لب لباب ۽ اتي جو وطني باشندو ۽ انهيء جيجل زمين جو فرزند دلبند ٿي ٿو وڃي هاڻي نظر ڪريو انھيء قانون فطرت جي روشني ۾ مهاجرن تي مهاجرن مان هڪ ته پاڪستاني ۽ نوجوان طبقو آھي جيڪي ڄاوا نپنا جيجل سنڌ جي هنج ۾ آھن هنن کي ڄمڻ شرط جيڪا تارون تي لڳائي وئي سا سنڌ جي ماکي هنن کي جيڪو دڪو کارايو ويو سو سنڌ جو مکڻ هنن جيڪا ٿڃ پيتي سو سنڌ جي غذائن مان ٺھيل رت مان تيار ٿيل کير هنن جو سڄو وجود سنڌ جي پيدا ٿيل پاڪ غذائن ۽ سنڌو...

سنڌ جي سوکڙي , جناب جي ايم صاحب اسانجي سونهاري سنڌ جي سوکڙي کي ڦولري ڏسون ۽ تجزيو ڪري معلوم ڪريون ته انهيء هڙ ۾ ڪهڙا ڪهڙا وڙ ويڙھيل آھن ۽ انهي جي تهن مان ڪهڙا ڪهڙا تحفا برآمد ٿين ٿا زعفران يا ٿوم مشڪ ۽ عنبر يا هنڱ ڦوٽا لونگ يا نموريون ۽ گگريون لعلون ۽ موتي يا ڪچ ڪوڏيون ۽ ڪيڪڙا ڳاڙھو سون يا ڪارا ٺڪر يعني ته سندس ارڪانن جو اونهون اڀياس ڪري ڏسون ته موصوف ماڻھو سلڇڻون سپوٽ لائقن ڀريو ۽ ڳالھ ڳت جهڙو آھي يا ماڳهين ڪو نسڏو بنهن ڪو ڏاميچ ۽ فتنتي شرارتي صفا ڪو ويل آھي,

هو مچي مهوڙ ٿي ممڙا بنجي ويندا پر خدا جي واسطي عالم اسلام جي غوثن قطبن ۽ عام اوليائن تي اها ناپاڪ تهمت نه ڌر ڪهڙي اوليا چيو آھي ته اسلام جي اها دعويٰ ته اسلام حق ٻيا مذھب ڪل باطل اها دعويٰ معاذالله ڪوڙي آھي ۽ ڪفر جا ڪل مذھب حق تي هو ته پوء اسلام آيو ڇو ؟ حضور صلي الله عليه وسلم سان ڪافرن ڇو جنگون جوٽيون ؟ 13 سال مڪي ۾ کين ۽ سندن جانثارن کي ڇو عذاب ڏنا ۽ مديني پاڪ وارن ڏھن سالن ۾ باربار حملا ڇو ڪيا؟ ڇا ڪو ملڪيت تان تڪرار هو؟ ڇا اختلاف اوطان ۽ ديسي پرديسي يعني سنڌي ۽ پناهگير جو مسئلو نزاع شقاق ۽ افتراق جو باعث بنيو هو؟ ڇا ٻنهي ڌرين جو وطن ٻيو هو؟ جيڪڏھن نه ۽ ھرگز نه بلڪه اسلام جي احقاق ۽ سربلندي ۽ ڪفر جي بطلان ۽ نگو نساري لاء اٺاويھن مدافعله معرڪن ۾ محبوب ڪريم صلي الله عليه وسلم پاڻ بذات خود شامل ٿيا جن مان نون معرڪن ۾ ته باقائده جنگيون به هليون جن ۾ جيڪڏھن هڪ طرف هزارين مرون مردار ٿيا ته ٻي طرف سندن محبوب اصحابين به وڏي تعداد ۾ پنهنجي پاڪ خون سان اسلام جي وڻ جي آبياري فرمائي ڪفر حق هو ته اها ايڏي ڪشت و خون ڇو ۽ ڇالاء ؟ جڏھن محبوب رب العالمين صلي الله عليه وسلم پاڻ ڪفر جو ڪرنگهو ڀڃڻ لاء...

هيء وري ٽي : رد الحاد حضرت پير ابراهيم جان سرهندي فاروقي عليه الرحمه جي مايه ناز ڪتاب سنڌ سونهاري مان سلسله وار جواب . ( هيء وري ٽي ) وحدت وجود جي لفظ سان اڄڪل جا ڪل منحوس دهريا مذاق ڪري رهيا آھن پر اسان جي شنمبڪٽو يعني جي ايم شيد يا شياد جيڪا بنڊ تي پانجاري ٻڌي آھي ۽ ڪتي کي ٻڪرو ثابت ڪرڻ ۽ ٻه ٻه کي بجائي چئن جي پنج بنائڻ جي جيڪا ناڪام ڪوشش ڪئي آھي سا بي ايماني ۽ سفيد چشمي جو هڪ نادر الوجود مثال آھي چي وحدت وجود مان مراد آھي وحدت اديان يا وحدت مذاهب هاڻي ڀلا ڇا ٿا چئو وحدت وجود جي معنيٰ, وحدت اديان نه لغوي آھي نه اصطلاحي آھي انهيء اکر جي اها معنيٰ ڪنهن صورت سان ٺهڪي ئي ڪانه ٿي ڪيئن ٿا ڀانيو,بنڊ تي پانجاري ٻڌڻ انهيء کي چئبو آھي يا اوهان اڃان ڪا ٻي ڳالھ آھي, گوياڪ شياد صاحب فرمائي ٿو ته دنيا جي ڪل مزهبن کي ڪٽي ڇاڻي سندن اصليت ختم ڪري مذهبن جي روح ۽ حقيقت کي من ڪاٺين ۾ باه ڏئي ساڙي ڪفر جي چاش ۾ ھلائي ملائي معجون مرڪب بنايو صبح شام انهيء مان گئو ماتا جي ڇيڻي جيترو وزن ڳيت ڏئي ڳڙڪايو, دنيا ۽ آخرت جي تباهي مردار ٿي جيئڻ ۽ مردار ٿي مرڻ لاء ايهو طبعزاد ۽ صدري نسخو مجرب اڻگس تير بهدف ۽...

مثال ٻيو ڊاه ڊوه ۽ تخريب ڪاري : جي ايم شاه جي ڪفرياتي گند رکندڙ ڪتاب جيئن ڏٺّو آ مون جو رد حضرت پير ابراهيم جان سرهندي فاروقي عليه الرحمه جي مايه ناز ڪتاب سنڌ سونهاري مان سلسله وار جواب . ( باب مثال ٻيو ڊاه ڊوه ۽ تخريب ڪاري ) جي ايم جي وزارت جو دور ته تکي واء وانگر مسلمان قوم جي مونھن تي ٻڪن جا ٻڪ ڌوڙ وسائيندو شوشاٽ ۽ زونزاٽ ڪندو تڪڙو تڪڙو مٽي ويو پر سندس تڪ جا تڪ نر جا ووٽر اليڪشن ۾ وري کيس ڪامياب ڪندا آيا ميمبري جي دور ۾ موصوف ڪھڙا ڦاڙھا ماريا ڪهڙا اڪ ڪارا ڪيا ڪهڙا قابل ستايش ڪارناما سر انجام ڏنا سي سنڌ جا ماڻھو ڄاڻن ٿا ته ڊاه ڊوه ۽ تخريب ڪاري ڌاران ڀل چمڪ ۾ به ڪو چڱو ڪم وٽائنس سرزد نه ٿيو کاھے بہ غلط ھم سوئی مقصود نرفتہ گویا رہ آوارہ گیش راھبری داشت جيڪا وزارت ٺھندي هئي انھيء جي ڊاھڻ لاء سندرا ٻڌي پٺيان پوندو هو لڌڙو به ڪنهن وڏي واه جي ويھ فوٽ ويڪري ۽ ڄميل بند کي سوراخ ڪري نيٺ گهاري وجهڻ ۾ ڪامياب ٿي ويندو آھي چوندا آھن ته شينهن جي پٺيان به ڦيڪاري چڱي ناهي ميسڙو ماڻھو هونئن به خطرناڪ ٿيندو آھي سو سن جو سانئين به پنهنجي مام ۾ جنهن وزارت جي ديوار جون پاڙون کوٽڻ لاء رات ڏينه...

فراڊ ۽ ڌوڪي بازي , عهد حاضر جا ملحد ۽ منڪر انتهائي بيحيائي سان مالڪ الملڪ جي محبت ۾ مست ۽ مدهوش عاشقن جي عجب جهڙي اکر ´ همه اوست کي مروڙي سروڙي عوام جي سطحي ۽ مٿاڇري کي ڏسندڙ ذھن ۽ نظر سان ڌوڪي بازي ڪري باري تعاليٰ و تقدس جي ذات ستوده صفات کان انڪار جي معنيٰ ۾ استعمال ڪرڻ جي ناپاڪ ڪوشش ڪري پنهنجي مسخ ٿيل فطرت جو مظاهرو ڪري رهيا آھن چون ٿا ته بزرگن جيڪو چيو آھي ته تون به خدا آئون به خدا هر شيء خدا انهيء جي معنيٰ ايها آھي ته ايهي ئي دنيا جون ڪل شيون خدا آھن ۽ مٿيون خدا جيڪو سڀ جو خالق ۽ مالڪ آھي سو ( معاز الله ) آھي ئي ڪون الله جي محبوب بندن فرمايو هوته اسين ۽ دنيا جون ٻيون ڪل شيون آھن ئي ڪون ڪابه شيء ڪجھ به ناهي فقط خالق تعالٰي آھي فقط اوهو مٿيون خدا آھي ٻيو ڪجھ به ڪونهي هن وقت جا معلون ملحد چون ٿا ته خدا آھي ئي ڪون خالق پاڪ جو وجود ئي ڪونهي ٻيو سڀ ڪجھ آھي سڀڪا شيء ازخود پيدا ٿي آھي ۽ ايهي ئي دنيا جون شيون خدا آھن هو چون ٿا ته مٿيون خدا تحقيق آھي هيٺ دنيا ۾ ڪجھ ڪونهي هي چون ٿا ته مٿيون خدا آھي ئي ڪون هيٺ دنيا ۾ سڀ ڪجھ آھي ۽ دنيا جي سڀڪا شيء ثابت آھي ´ بين تفاوت ره ڪجاست تابڪجا...

وحدت الوجود جو مسئلو واڳن جي وات ۾ : رد السفاد حضرت پير ابراهيم جان سرهندي فاروقي عليه الرحمه جي مايه ناز ڪتاب سنڌ سونهاري مان سلسله وار جواب . ( وحدت الوجود جو مسئلو واڳن جي وات ۾ ) الله جله شانه جي انوار ۽ تجليات جو پرتو جڏھن سالڪ جي خون جي قطري قطري کي رشڪ آفتاب بنائي ٿو تڏھن سالڪ پاڻ کي بلڪ ڪل ڪائنات کي ۽ ڪائنات جي هر ذري کي بقعئه نور پسي ۽ پر جهي ٿو ۽ انوار ايزديء ڌاران توڻي جو غائر نظر سان ڏسڻ جي ڪوشش ڪري هنکي ڪابه شيء نظر نٿي اچي جيئن سڄ جي اڀرڻ بعد اگرچه تارا في الحقيقت موجود آھن پر ڪو ماڻھون بصيرت کان قطع نظر ڪري پنهنجي بصارت جي فيصله مطابق جيڪڏھن چوي ته تارو ڪوبه ڪونهي رڳو سڄ ئي سڄ آھي ته انهيء جو اهو قول من وجه سڇو آھي بلڪل اهڙي طرح انهي خاص وقت ۾ جڏھن سالڪ سواء تجليات ايزدي ۽ انوار سرمدي جي ڪانه شيء نٿو ڏسي تڏھن پنهنجي وجود ۽ وڻن ٽڻن جانورن پکين جاين جبلن وغيره وغيره جي وجود ۽ ھئڻ کان نابري بيهي ٿو ۽ انهيء مدهوشي ۽ حالت سڪر ۾ چئي ٿو ڏي ته ´ همه اوست هي به خدا هو به خدا آئون به خدا تون به خدا سڀ پاڻ ئي پاڻ ۽ خدا ئي خدا آھي سندس ڌاران ٻيو ڪجھ به ڪونهي لهار لوھ ک...